Ish-ministri i Shëndetësisë, Ilir Beqaj duket se nuk është shqetësuar aq shumë nga vënian nën hetim nga SPAK, në lidhje me rolin e tij në skandalin e kontratës të partneritetit publik privat për sterilizim e instrumenteve kirurgjikale.
Mbrëmjen e sotme, ai është shfaqur në stadiumin “Elbasan Arena” për ndjekur nga afër ekipin e Partizanit për ndeshjen e kthimit kundër Astanës në turin play-off të Conference League.
Siç shihet në foton e mëposhtme, Ilir Beqaj shfaqet në krah të deputetit socialist Blendi Klosi në shkallët e tribunës VIP të stadiumit. Në një moment ai shfaqet duke shtrënguar duart edhe me ish-deputetin e PD-së, Myslim Murrizin, ku janë përshëndetur me njëri-tjetrin në tribunën e stadiumit.
I pranishëm për të djekur Partizanin në stadium ka qenë dhe deputeti tjetër i PS-së, Erion Braçe, i cili njihet si një tifoz i flaktë i ekipit të “demave të kuq”.
