Dy person janë arrestuar nga Policia e Tiranës, pasi akuzohen për grabitje.
Në kuadër të operacionit policor të koduar “Breake”, janë vënë në pranga shtetasit Shuajb Gërxhalliu, 29 vjeç dhe Aljon Çezma, 40 vjeç, të dy banues në Tiranë.
“Nga veprimet hetimore dyshohet se këta 2 shtetas kanë vjedhur një shumë parash dhe sende me vlerë, në një biznes në rrugën “Teodor Keko”. Në vijim të veprimeve, gjatë kontrollit të aparatit celular të shtetasit Aljon Çezma, u gjetën të hapura faqe që shërbejnë për vendosjen e basteve sportive.” – thuhet në njoftimin e Policisë.
Siç mund ta shihni dhe në videon e mëposhtme, momenti i grabitjes së biznesit në Astir është filmuar dhe nga kamerat e sigurisë. Policia njofton se po punohet për zbardhjen e vjedhjeve të tjera që mund të jenë kryer nga këta dy shtetas.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
