Një sherr që ka degraduar në përplasje fizike ka ndodhur këtë të Premte, në Durrës.
Mësohet se tre kushërinj pas një konflikti për motive të dobëta kanë goditur njëri-tjetrin me sende të forta.
Si pasojë të tre shtetasit kanë rënë në pranga, ndërsa grupi hetimor vijon hetimet për zbardhjen e plotë të rastit.
“Specialistët për Hetimin e Krimeve të Komisariatit të Policisë Kavajë arrestuan në flagrancë shtetasit E. L., 56 vjeç, A. L., 27 vjeç dhe O. Xh., 19 vjeç, të tre banues në Kavajë (të afërm të njëri-tjetrit), pasi për shkak të një konflikti për motive të dobëta, kanë goditur me sende të forta njëri-tjetrin”,- njofton Policia.
