Një 42 vjeçar ka rënë në prangat e policisë së Durrësit për vjedhje. Policia njofton se 42 vjeçari i identifikuar si Juljan Ismailaj ka vjedhur katër banesa gjatë këtij muaji në qytetin bregdetar.
Nga veprimet hetimore dyshohet se 42-vjeçari ka vjedhur sende dhe bizhuteri me vlerë. Në cilësinë e provës materiale u sekuestruan 2 ora dore, një unazë floriri, 2 celularë dhe një automjet.
Vijojnë veprimet hetimore për zbardhjen e vjedhjeve të tjera që mund të jenë kryer nga ky shtetas.
