Një aksident me vdekje është regjistruar këtë të shtunë në Kavajë.
Autoritet policore bëjnë me dije se automjeti me drejtues shtetasin S. K., 29 vjeç, ka përplasur biçikletën me të cilën lëvizte shtetasi Y. L., rreth 80 vjeç. Si pasojë e përplasjes, i moshuari ka ndërruar jetë në vend.
Ngjarja ka ndodhur rreth orës 14:10, në rrugën dytësore “Kavajë-Mali i Robit”. Policia ka shoqëruar në komisariat drejtuesin e mjetit, për kryerjen e veprimeve të mëtejshme procedurale.
Grupi hetimor vijon punën për të përcaktuar shkakun e këtij aksidenti.
