Një plagosje me thikë ka ndodhur në zonën e Paskuqanit, Tiranë, pas një konflikti.
I plagosur ka mbetur një 24-vjeçar me iniciale A.T., i cili ndodhet në spital. Nuk dihet ende gjendja e tij shëndetësore.
Autori është larguar menjëherë nga vendngjarja.
“Më datë 03.06.2023, në rrugën “Dine Hoxha”, shtetasi D. H., gjatë një konflikti dyshohet se ka goditur me mjet prerës shtetasin A. T., 24 vjeç, dhe është larguar nga vendi i ngjarjes.
Si pasojë 24-vjeçari është dëmtuar dhe ndodhet në spital, nën kujdesin e mjekëve.”- njofton policia.
Grupi hetimor po punon për kapjen e autorit të dyshuar dhe sqarimin e rrethanave të ngjarjes.
