Kryeministri Edi Rama ka komentuar sot mobilizimin e ushtrisë serbe në kufi me Kosovën.
Sipas kreut të qeverisë shqiptare, dërgimi i ushtrisë në kufi me Kosovën ka zero fuqi.
“Kjo është shfaqja më e pabesueshme e politikës së brendshme. Se ushtria serbe në kufi të Kosovës ka fuqi 0. Çfarë mund të bëjë, asgjë? Ka të bëjë vetëm me politikën e brendshme”, tha Rama nga Bratislava, në një panel ku u diskutua për Ballkanin.
Presidenti serb Aleksandër Vuçiç ka dhënë urdhër të mobilizimit të ushtrisë në kufi me Kosovën pas tensioneve të rritura ditët e fundit në komunat me shumicë serbe.
Më herët, Rama ka thumbuar Albin Kurtin lidhur me ngjarjet në Kosovë, megjithatë në asnjë moment nuk ka shprehur kritika për Presidentin serb.
