Juristi Ylli Manjani, ka komentuar mbrëmjen e sotme ndërtimin e kullave dhe betonizimin që po i bëhet kryeqytetit dita-ditës.
I ftuar në emisionin “A Show”, Manjani argumentoi se betonizimin e Tiranës e shikon si një truk nga ana e kryeministrit, ku prej njëzet vitesh krijon fasada pa u ndërgjegjësuar se kjo fasadë i pengon rrezet e diellit për shtëpitë egzistente.
Manjani: Edhe unë e mendoj këtë që ky është një truk që Rama bën me Tiranën 20 e sa vjet. Një truk specifik që ka ecur, një hile e lezeçme që të sjell në mendje një ndërtesë të bukur, me ngjyra, por lind pyetja a është ky shpëtimi dhe zhvillimi i qytetit?! Kjo është pyetja që Tirana duhet ta bëjë, por nuk e bën. Këta e kanë te marketingu, estetika, forma. Unë bie dakort por ka një problem të madh, mos këto kulla po zënë diellin e shtëpive egzistuese?! Kemi diskutuar për kullat e biznesmenëve të favorizuar nga qeveria, kulla me nëntë kate pa leje, të denoncuar nga vetë qeveria, pse nuk shembet ajo? Fjala vjen.
Kjo është e gjithë Tirana, të vë një fasadë interesante dhe të zë diellin. Kjo nuk është jetë, është çmenduri, njerëzit kanë harxhuar para për t’i blerë ato shtëpi sepse kanë parashikuar që aty do t’ju bjerë dielli dhe krejt papritur, nuk ka më diell.
E dyta që është më e rëndësishmja, mirë që i ngremë këto kulla, po si ka mundësi që vetëm ndërtojmë dhe nuk prodhojmë gjë ne?
Bavaria prodhon BMË dhe Audin dhe është aktualisht në krizë strehimi, çfarë prodhojmë ne për t’i merituar këto kulla?!
Gjithashtu, Manjani u ndal edhe te cështja e inceneratorëve. Manjani tha se akuzat e ngritura nga SPAK ndaj personave nën hetim janë të paprovuara dhe të sforcuara.
Manjani: “Ekziston ky rrezik po ekziston gjithmonë mundësia që ato marrëveshjet e prishura nën tavolinë të dalin një ditë publikisht dhe me ç’fytyrë do të dalin këto prokurorë dhe gjykatës përpara publikut dhe përpara misionit kushtetues? Pse nuk është pyet Ilir Meta në këtë çështje, pse nuk është pyet Edi Rama? Çfarë kanë ditë këta? Këto ishin njerëzit që kanë marrë vendime. Pse nuk pyeten këta? Të japin dëshmi atje, të thonë edhe këta të vërtetën e tyre. E treta është qasja ndaj personit, ndaj individëve. Të gjitha akuzat unë i kam parë me sytë e mi, janë akuza të paprovuara, janë të sforcuara. Stela Gugalljes i thonë që ke bërë korrupsion, ndërkohë e ka gjykuar Gjykata e Elbasanit. Mirel Mërtirit i thonë që je pronar faktik, hajde gjeje ç’do me thënë pronar faktik. Lefter Kokës i thonë je i korruptuar dhe ke shpërdoruar detyrën, tani o njërën o tjetrën. Po të jetë korruptuar s’ka shpërdorim detyre. Ka thënë partia që nuk e do më dhe këta e fusin brenda. Unë e kuptoj shumë mirë që ata që janë në burg dhe ata që janë nën akuzë, nuk është kjo drejtësia, sepse duhet të jesh me ata që janë sot në burg që nesër mos të të vijë radha ty. Me pasigurinë juridike që është krijuar sot, gjithkujt mund t’i hapet çështje në këtë vend”.
