Gjykata e Tiranë ka dhënë masën e sigurisë “Arrest me burg” për Axel Hoxhën, 18-vjeçarin i cili dyshohet se qëlloi për vdekje Stiven Toshkezi.
Pas një arratie të shkurtër, Hoxha u vetëdorëzua në Polici dhe do të qëndrojë në qeli deri në përfundim të hetimeve.
Kujtojmë që i riu u qëllua me thikë pas shpine gjatë natës shumë pranë banesë së tij në Tiranë. Toshkësi sapo kishte lënë punën kur është përballur me dy 18-vjeçarët të cilët e qëlluan me thikë duke i shkaktuar plagë të rënda të cilat i morën jetën.
“Do të flas në një moment të dytë” ka thënë Axel Hoxha para togave të zeza, duke mos pranuar të dëshmojë më shumë për krimin e rëndë që përgjaku kryeqytetin pak ditë më parë.
- Si ndodhi vrasja e 20-vjeçarit në kryeqytet dhe cilat ishin arsyet e sherrit mes të rinjve?
Vrasja e 20-vjeçarit mësohet se ishte derivat i një konflikti të mbartur me dy të rinjve, pasi më parë ishin konfliktuar edhe fizikisht për një vajzë, që ishte angazhuar në një lidhje dashurie me Toshkëzin.
Ishte Hoxhaj, i cili së bashku me mikun e tij Enzi Maze (18 vjeç) i zuri pritë të ndjerit shumë pranë banesës së tij. Rreth dy javë më parë 20-vjeçari e kishte rrahur atë pas një përplasje fizike në afërsi të Rrugës së Elbasanit, sepse i ngacmonte të dashurën e tij.
Të rinjtë e kishin lënë që të takoheshin mbrëmjen e së hënës për t’u sqaruar. Toshkëzi, i cili sapo kishte mbyllur punën si montazhier në një televizion në kryeqytet ra në pritën e dy 18-vjeçarëve, me Hoxhajn që sipas raportimeve e ka goditur me një hanxhar ose thikë të madhe në pjesën e brinjëve duke i shkaktuar vdekjen.
Detaje të reja për këtë ngjarje u zbardhën pas arrestimit të Enzi Mazes. I riu deklaroi përpara oficerëve të policisë gjyqësore se nuk ka lidhje të drejtpërdrejtë me viktimën, por ishte vënë në dijeni të konfliktit nga shoku i tij.
Maze rrëfeu se kishte vetëm pak ditë që ishte kthyer nga Holanda ku vazhdonte studimet në universitet, por pasi ka takuar Akselin, ai i ka treguar se para disa kohësh ka pasur një konflikt me Stiven Toshkëzin dhe pretendonte se ai e kishte rrahur.
Më tej 18-vjeçari ka konfirmuar raportimet në media duke thënë se motivi i konfliktit të tyre ishte një vajzë, të cilën e pëlqente Akseli. Autori i ngjarjes ishte në të njëjtën klasë me vajzën, por ajo ishte në një marrëdhënie me Stivënin.
Maze ka deklaruar më tej se miku i tij i ka shprehur se do të takoheshin me viktimën, por nuk kishin lënë një datë fikse. Ndërsa natën e ngjarjes sipas tij, i kanë bërë pritë 20-vjeçarit vetëm për t’u sqaruar. Enzi Maze ka shtuar se është përpjekur t’i ndajë, por situata ka agravuar për shkak se viktima ka pretenduar se Aksel Hoxha e shqetësonte vazhdimisht të dashurën e tij.
