30-vjeçari i shumëkërkuar, Ramazan Rraja u kap mbrëmjen e së mërkurës te Ura e Gjoles në Fushë-Krujë, gjatë një operacioni të koduar Komploti, teksa sot janë publikuar dhe fotot nga arrestimi i tij.
Në momentin e arrestimit Rraja ishte me pistoletë në brez, siç shihej edhe në pamjet e publikuara nga vetë policia.
Rraja ishte shpallur në kërkim ndërkombëtar dhe ndaj tij ka masë sigurie arrest në burg në mungesë për atentatin ndaj ish-prokurorit Arjan Ndoj.
Autoritetet thanë se 30-vjeçari, që nga momenti i shpalljes në kërkim, nuk ishte larguar në asnjë moment jashtë shtetit, por fshihej në trekëndëshin “Durrës-Lezhë-Tiranë”.
