Një aksident i rëndë ka ndodhur në aksin rrugor “Librazhd-Prrenjas”. Një mjet ka dalë nga rruga duke përfunduar në përroin e Lengajcës gjatë mbrëmjes së djeshme, por mjeti i tyre është pikasur vetëm mëngjesin e sotëm.
Viktima kanë mbetur një çift bashkëshortësh, të identifikuar si Arjan dhe Majlinda Yze, banues në Devoll.
Nga të dhënat e deritanishme, burrë e grua Arjan dhe Majlinda Yze ishin duke komunikuar me familjarët e tyre. Por papritur linja u shkëput në orën 20:00, duke bërë që familjarët të kuptonin se diçka kishte shkuar keq.
Familjarët e çiftit të ndjerë kanë lajmëruar menjëherë policinë, dhe kanë kërkuar gjatë gjithë aksit Pishkash-Përrenjas, por u pikas që mjeti kishte rënë në lumë.
Dyshohet se shkak për aksidentin të jetë bërë përgjumja, apo dhe ndonjë problem i mundshëm shëndetësor i drejtuesit të automjetit.
Drejtuesi mjetit ka dalë nga rruga dhe ka ecur anash mbrojtësve anësore dhe ka përfunduar në lumë.
“Rreth orës 07:45, në aksin rrugor “Librazhd-Prrenjas”, shtetasi A. Y., rreth 55 vjeç, banues në Devoll, duke drejtuar automjetin tip “Volkswagen”, ka humbur kontrollin mbi drejtimin e automjetit dhe për pasojë automjeti ka dalë nga rruga dhe ka rënë në përroin e Lengajcës.
Nga ky aksident kanë humbur jetën shtetasi A. Y. dhe bashkëshortja e tij, shtetasja M. Y., rreth 50 vjeçe, e cila ishte pasagjere në këtë automjet.“-njofton Policia.Viktima kanë mbetur një çift bashkëshortësh, të identifikuar si Arjan dhe Majlinda Yze, banues në Devoll.
Grupi hetimor vijon punën për zbardhjen e plotë të rrethanave të këtij aksidenti.
