Kreu i Partisë së Lirisë, Ilir Meta e ka nisur ditën me një apel të rëndësishëm për qytetarët e Elbasanit që votojnë për kandidatin e opozitës në zgjedhjet lokale të 14 majit.
Në një reagim në rrjetet sociale, Meta thekson se Partia e Lirisë mbështet fuqishëm kryebashkiakun e ardhshëm të Elbasanit, Luçiano Boçin.
MESAZHI I PLOTË NGA ILIR META:
“Me Profesor Luçiano Boçin, Elbasani do të hyjë i sigurtë në rrugën e zhvillimit dhe të ndryshimit.
Ne mbështesim fuqishëm Kryebashkiakun e ardhshëm të Elbasanit për realizimin e Kartës së Studentit dhe Kartës së Nxënësit, që do lehtësojnë e mbështesin të gjithë të rinjtë në rrugën e dijes.
Fitorja më 14 Maj, me të rinjtë dhe për të rinjtë e Elbasanit”, Meta.
