Banorët e Bërxullës, tokat e të cilëve preken nga ndërtimi i aksit Thumanë-Kashar, sërish kanë protestuar sot, pasi nuk bien dakord me çmimin që u ofrohet për të kompensuar pronën e tyre.
Me kalimin e minutave është tensionuar edhe situata e protestës, ku nuk kanë munguar edhe përplasjet me policinë.
Më herët një nga banoret u shreh se një prej efektivëve e ka shtyrë dhe dhunuar duke e qëlluar me shkelma. Ajo bashkë me një qytetare tjetër i ka kërkuar të ndalonte, po situata u përshkallëzua.
Ndërkohë një tjetër banor ka paralajmëruar se do të vetëflijohet, e do të digjet me benzinë nëse kjo situatë nuk gjen zgjidhje.
“”Do marr shkrepsen dhe benzinën, jap fjalën se radhës tjetër do vetëflijohem. Unë e kam ndarë mendjen, për grevën e urisë nuk jam se jam i sëmurë. A doni ta dini se kush jam, shiheni….”,- u shpreh banori.
