Studentë të Fakultetit të Gazetarisë, kanë zhvilluar ditën e sotme homazhe për vajzën 23-vjeçare, Sikela Përroi që humbi jetën dy ditë më parë në aksidentin te TEG-u.
Trëndafila të bardhë e qirinj të ndezur kanë rrethuar foton e 23-vjeçares të vendosur në hyrje të Universitetit.
Studentët kane shprehur ngushëllime për humbjen e 23-vjeçares, ndërsa i pranishëm ka qënë edhe Shefi i Departamentit të Gazetarisë, Mark Marku.
Sikela Përroi ishte studente në Departamentin e Gazetarisë dhe Komunikimit.
23-vjeçarja është përcjellë sot në banesën fundit mes dhimbjes dhe lotëve të familjarëve të afërmve dhe miqve të saj.
Si ndodhi aksidenti tragjik
Në rreth-rrotullimin pranë qendrës tregtare TEG, automjeti “Audi A8” me drejtues 20-vjeçarin Klevis Ruçaj, që ishte duke udhëtuar në unazën lindore me drejtim lëvizje nga Farka, fluturoi duke përfunduar i shkatërruar në nënkalimin e autostradës Tiranë-Elbasan.
Në aksident ndërruan jetë në vendngjarje dy vajzat pasagjere, të identifikuara si Sikela Përroj (23 vjeçe) dhe Erisilda Abedini (22 vjeçe), ndërsa drejtuesi humbi jetën pasi u transportua në spitalin e Traumës.
LEXO EDHE:
Aksidenti me 3 viktima/ Audi mbi 200 km/orë, një nga vajzat studente e gazetarisë
