Ministrja e Ramës, Elisa Spiropali ka provokuar deputetët e opozitës. Spiropali, duke iu referuar kolegut të tyre Edmond Spaho i cili u përjashtua për shkak se i ra bilbilit në seancën e shkuar, kërkoi një minutë heshtje pasi ra në Komisionin e Etikës si revolucion i vërtetë.
“Një minutë heshtje për Edmond Spaho që ra në Komisionin e Etikës si revolucion i vërtetë. I palodhur, Keqardhje që trashëgimia e tij e bilbil fryrjes nuk u trashëgua te ju. Ai ishte më i guximshëm se ju.
Do jetë në zemrat tona deri pas 20 ditëve ku do të jetë sërish këtu bashkë me ju. Ju po e kërkoni kauzën aty ku nuk është. Ju akuzoni si denoncues të Zotit Basha”, tha ajo.
Deputetët e PD-së u revoltuan nga fjala e Spiropalit dhe reaguan menjëherë.
Nga ana tjetër kryeparlamentarja Lindita Nikolla i tërhoqi vërejtje Spiropalit duke i kërkuar t’i përmbahet procedurës.
