Kandidati i PD-së për Bashkinë e Tiranës, Belind Këlliçi, ka denoncuar një tjetër skandal të Bashkisë së Tiranës.
Përmes një postimi në rrjete sociale, Këlliçi shkruan se kryebashkiaku Erion Veliaj po shpërblen me truall një kompani që ka ndërtuar 7 kate pa leje në qendër të Tiranës.
“Më 14 maj Veliaj merr valixhet dhe i bashkohet Klodian Zotos në arrati”,– shkruan ndër të tjera Këlliçi, teksa ka publikuar edhe pamje nga kulla.
Postimi i plotë:
Kulla pas meje ka 7 kate pa leje. Kryebashkiaku e sheh nga dritarja e zyrës së tij në Sheshin Skënderbej.
Makinën tuaj nuk e sheh por gjobën e ka gati. Tezgën e shitësit ambulant nuk e sheh vijëdrejtë por gjobën e ka gati. Kompanisë që ndërtoi këtë kullë, jo vetëm i lejoi t’i shtonte katet pa leje një e nga një, por ngjitur saj tashmë ka firmosur marrëveshjen për të ngritur një kullë tjetër.
E kuptoni cilin ka për kryebashkiak Tirana? Kandidimi i tij për herë të tretë bëhet për këto kulla.
Një qendër rinore kishte Tirana. “Kryeqyteti Europian i Rinisë” prish të vetmen qendër rinore për të ngritur kullë.
Pastaj na ngrihen bilbilët e ekraneve dhe thonë pa iu dridhur qerpiku se nuk mundet Veliaj, se ka shumë lekë.
Më 14 maj Veliaj merr valixhet dhe i bashkohet Klodian Zotos në arrati.
