Detaje të reja kanë dalë në dritë nga ngjarja që ndodhi mëngjesin e sotëm në Shkodër, ku një sasi lënde plasëse u vendos në banesën e Shefit të Krimeve, Pëllumb Shpati.
Mësohet se kamerat e sigurisë pranë banesës kanë fokusuar një person që largohet me vrap, që dyshohet se është autori, por ende nuk është konfirmuar asgjë nga ana e policisë.
Familjarë të Shpatit, dyshojnë se ngjarja lidhet me detyrën që ka ky i fundit, ndërsa theksojnë se nuk kanë konflikt me njeri.
Ndërkohë raportohet se shpërthimi me tritol ka shkaktuar dëme të konsiderueshme materiale, përfshirë thyerjen e xhamave të banesës dhe makinave.
