“Sëmundja e pashërueshme” e Luizit në Big Brother Vip ka trazuar një Shqipëri të tërë, me ndjekësit e emisionit qe janë ndarë në dy grupime, ata që besojnë se është vërtetë i sëmurë dhe pjes tjetër që beson se e gjitha është një gënjeshtër dhe pjesë e lojës së tij.
Në lidhje me këtë ka folur gazetarja Denada Lura në RTV Ora. Ajo ka thënë se në kohën kur dolën emrat se kush do të futej në BBV, Luizi ka qenë i sëmurë dhe ka qenë në proces analizash.
“Unë besoj se ai është i sëmurë. Ai nuk ka thënë kurrë që ka një tumor, siç po përflitet apo siç e tha produksioni. Ai ka thënë se ka një sëmundje të rrallë, kanë thënë se e ka patur dhe babai i tij i ndjerë e që mund ta ketë dhe halla e tij që ishte në gjendje shumë të rëndë. Shumë personazhe të njohur e kanë marrë vesh që ai ishte i sëmurë dhe po thonin se si do të futet ai në BBV duke qenë se bëjnë një sërë analizash për të hyrë aty. Megjithatë ato analiza që bëhen aty nuk janë të duhurat për të nxjerrë nëj sëmundje të rrallë siç mund të jetë ajo e Luizit,” tha gazetarja.
