Një aksident ka ndodhur këtë të Premte në aksin rrugor Bilisht-Poloskë. Policia bën me dije se shtetasi K. F., duke drejtuar automjetin tip “BMW”, dyshohet se ka humbur kontrollin dhe për pasojë automjeti ka dalë nga rruga.
Për pasojë ka marrë dëmtime shtetasi A. G., pasagjer në automjet, i cili u transportua në spitalin e Korçës.
“Sot rreth orës 13:45, në aksin rrugor Bilisht-Poloskë, shtetasi K. F., duke drejtuar automjetin tip “BMW”, dyshohet se ka humbur kontrollin mbi drejtimin e automjetit dhe për pasojë automjeti ka dalë nga rruga. Për pasojë ka marrë dëmtime shtetasi A. G., pasagjer në automjet, i cili u transportua në spitalin e Korçës dhe ndodhet nën kujdesin e mjekëve”, njofton policia.
Me drejtuesin e automjetit K. F., po kryen veprimet e mëtejshme procedurale, ndërkaq grupet hetimore po punojnë për sqarimin e rrethanave të këtyre ngjarjeve.
