Koha e rregullt e finales së Botërorit, Argjentinë-Francë është mbyllur në baraspeshë 2-2.
Argjentina e mbylli në avantazh pjesën e parë me rezultatin 2-0 me golat e shënuar nga Lionel Messi me penallti në minutën e 23-të dhe Angel Di Maria në të 36’.
Në pjesën e dytë, Franca fillimisht fiton një 11-metërsh. Mbappe në minutën e 80-të gjuan saktë nga pika e bardhë, duke shkurtuar diferencën.
Menjëherë, në të 81’, sërish Mbappe shënon, duke barazuar rezultatin 2-2. Tashmë fituesi i trofeut do të vendoset gjatë dy shtesave nga 15 minuta në dispozicion dhe nëse do të jetë e nevojshme pas goditjeve të 11-metërshave.
