Policia ka arrestuar shtetasin E. A., 44 vjeç, banues në Korçë.
Ky shtetas, duke drejtuar automjetin tip “Renault”, ka përplasur dy automjete të tjera dhe është larguar nga vendi i aksidentit.
Pasi u ndalua nga policia, 44-vjeçari rezultoi se e drejtonte automjetin në gjendje të dehur.
“Specialistët e Trafikut Urban dhe Interurban të DVP Korçë arrestuan në flagrancë shtetasin E. A., 44 vjeç, banues në Korçë, për veprat penale “Drejtimi i automjeteve në mënyrë të parregullt” dhe “Largimi nga vendi i aksidentit”. Ky shtetas, duke drejtuar automjetin tip “Renault”, në lagjen nr. 12, Korçë, ka përplasur dy automjete të tjera dhe është larguar nga vendi i aksidentit. Shërbimet e Policisë e kanë lokalizuar dhe ndaluar 44-vjeçarin, i cili pas kryerjes së testit të alkoolit rezultoi se e drejtonte automjetin në gjendje të dehur.”, njofton policia.
Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme.
