Prezenca e OSBE në Tiranë ka uruar Shqipërinë për mbajtjen e suksesshme të samitit BE-Ballkani Perëndimor që u mbajt sot në Tiranë.
OSBE ka dënuar gjithashtu edhe sulmin ndaj kreut të PD, Sali Berisha, i cili u godit me grushte në fytyrë në protestë nga 31 vjeçari Gert Shehu Ndër të tjera OSBE bën thirrje që të shmangen spekulimet dhe veprimet për të bërë vetëdrejtësi.
“Urime Shqipërisë për mbajtjen e suksesshme të samitit BE-Ballkan Perëndimor dhe për operacionin e madh të sigurisë që e shoqëroi. Jemi të trishtuar, megjithatë, për incidentin gjatë protestës së opozitës. Liria e tubimit është një e mirë themelore e demokracisë. U urojmë të lënduarve shërim të shpejtë dhe u bëjmë thirrje të gjithëve të shmangin spekulimet dhe vetëdrejtësinë ndërkohë që hetimet vijojnë”, shkruan OSBE.
