Drejtori i Policisë së Shtetit, Muhamet Rrumbullaku konfirmoi këtë të Shtunë se Amant Josifi është një nga personat e shpallur në kërkim për mashtrim kompjuterik.
“Po kemi pasur korrespondencë. Jemi në një grup hetimi të gjerë me prokurorinë e Posaçme dhe vazhdojmë të jemi në rrugë të mbarë për të gjithë personat që i shmangen drejtësisë qoftë brenda apo jashtë Shqipërisë”, tha Rrumbullaku, duke iu përgjigjur interesit të gazetarëve gjatë një deklarate për mediat.
Policia spanjolle ka shpallur në kërkim ndërkombëtar Amant Josifin, për një skemë masive mashtrimi me “call center”.
Lajmin e bëri me dije prestigjiozja spanjolle “El Pais”, e cila i referohet Josifit “si person me lidhje të forta me qeverinë”.
Kryetari i Partisë Demokratike, Sali Berisha ka akuzuar se Josifi ka mbrojen e Edi Ramës dhe i ka shpëtuar arrestimit duke u larguar nga vendi para se të mund të ekzekutohej urdhër-arresti. Sipas disa burimeve, u shpreh Berisha, Josifi fshihet në Dubai.
Lexo edhe:
Mashtrimi me Call Center, El Pais: Urdhër-arresti për Josifin, lidhja me Olsi Ramën
Notere, nëna e Xhaçkës”, Berisha: Josifi ortak i Ramës, ja ku fshihet
