Gazetari dhe botuesi Nikollë Lesi, i ftuar në Ora News, paralajmëron furtunë në politikën shqiptare.
Sipas tij, nga sot deri në Samitin e BE-së, që do të mbahet në Bullgari gjatë muajit maj, do të ketë shumë turbulenca në politikën shqiptare. Ai nuk tha se do të ketë arrestime ose jo, por shtoi se do ndryshojnë shumë gjëra në politikën shqiptare. Lesi duke vlerësuar çështjen aktuale si mjaft të rëndësishme, theksoi se proçesi sapo ka nisur.
Lesi: Nuk ka mbaruar ende asgjë. Akoma skeni parë gjë akoma. Unë nuk urojë që të ketë arrestime, sepse është privim i lirisë së një personi, por mendojë që është një proces që sapo ka nisur dhe mendojë që, siç edhe e kam thënë më parë, që brenda samitit të BE-së do ketë shumë stuhi, turbulenca në Shqipëri.
Nikollë Lesi në një moment të mëtejshëm të emisionit u shpreh se Ramës i ka kushtuar çështja Tahiri aq energji sa do i kushtonte Ramës qeverisja 4-vjeçare. “Në dhjetët ditët e fundit, duke u marrë me çështjen Tahiri, Rama ka harxhuar sa 4-vite energji…”
Lesi: Kostoja që mund t’i kushtonte Ramës 4 vite qeverisje, i ka kushtuar në 10 ditë çështja “Tahiri”. Energjitë i kanë mbaruar politikisht. Gjykata vendos nëse është i fajshëm apo i pafajshëm.
Si mundet që kryeministri bëri një gabim; edhe e mbrojti, edhe e përjashtoi nga funksionet politike? Ç’të duhet tesera kur ke dalë nga vatha? Ose kryeministri ka informacione dhe mendon se mund të dalin më vonë, dhe e përjashtoi de facto, ose solli numrin dy pas vetes në PS që do të vijë më vonë. Pra, edhe luftë brenda lobeve në PS.
