Kreu i Partisë Demokratike, Sali Berisha ka paralajmëruar se shumë shpejt do të bëjnë publike axhendën duke theksuar se në vendin tonë do të vijojnë protestat e fuqishme.
Gjatë një deklarate për mediat, Berisha i kërkoi ndërkombëtarëve që të mbështetin shqiptarët që protestojnë kundër atë të cilën e etiketoi si “regjimi i Edi Ramës”.
“Shqiptarët janë sot në këmbë më shumë se kurrë, këtë e faktoi protesta. Ju njoftoj se shumë shpejt do njiheni me axhendën e protestave të tjera të fuqishme. Protestat do të jenë dhe do të mbeten mjeti kryesor krahas primareve në betejën kundër këtij regjimi, kundër këtij njeriu. Dhe njëherë thirrja ime për miqtë dhe partnerët ndërkombëtarë, është mbështesni shqiptarët në betejën e tyre, ne do fitojmë”, tha Sali Berisha.
