Pas shoqërimit të protestuesit në polici, ka reaguar dhe ish-deputeti Klevis Balliu.
Në një prononcim nga komisariati nr. 1, Balliu tha se personi ka pasur probleme shëndetësore, prandaj do të shoqërohet edhe për në shtëpi.
Ai theksoi se PD u del për zot protestuesve të saj dhe prandaj ishte e pranishme me avokat pranë ambienteve të policisë.
Balliu: Personi ka pasur probleme shëndetësore, prandaj do të shoqërohet edhe për në shtëpi. Falenderoj gjithë protestuesit për protestën madhështore që tejkaloi çdo pritshmëri të të gjithëve. Sot u faktua se Edi Rama është një pakicë. Qytetarët donin të vinin aty qiri për ata që kanë humbur jetën në duart e qeverisë. Ndërkohë nuk kemi parë asnjë përgjigje nga qeveria.
Qytetarët do të ndiznin qiri dhe nuk mund të ndaloheshin. Ne erdhën këtu për të treguar se PD u del për zot atyre që thërret në protestë, ashtu sikurse qytetarët do t’i dalin për zot vendit për të shapërtuar nga kthetrat e Edi Ramës.
