Seanca plenare e kësaj të mërkure në Kuvend, ka nisur me debate të forta mes kryeministrit Edi Rama dhe deputetëve të PD. Pas akuzave të Enkelejd Alibeaj për dhënien me koncesion të Portit të Durrësit, Rama ka dalë në foltore dhe ka sulmuar deputetët demokratë të cilët i ka ofenduar me një fjalor banal dhe ofendues.
Kërkesa për procedurë të përshpejtuar u miratua me 62 vota pro dhe 19 kundër. Menjëherë pas votimit, kreu i qeverisë ka ofenduar deputetët e opozitës sipas të cilit “janë të pafytyrë, pa fe, pa atdhe”.
“U fut në procedurë të përshpejtuar një projektligj që do marrë kohë për diskutim. Ne nuk kemi kohë për të humbur se kemi me shumë se një vit që e negociojmë këtë kontratë dhe shteti shqiptar merr pjesë me aksione. Ju jeni ca të mbaruar, ca të pafytyrë, jeni ca të pafe. Merrni nëpër gojë dhe akuzoni për Pazar dhe për aferë një personalitet dhe një kompani nga më të mëdhatë e botës. Jeni pa Atdhe, pa din e pa iman. Jeni komplet të shkëputur nga truri, nuk dini cfarë flisni”, tha fillimisht Rama.
“Me çfarë kurajoje ti çohesh këtu edhe hedh baltë mbi një personalitet, personalitet, përfaqësues i një prej komanive më të mëdha të botës që vjen në Shqipëri si një rezultat i një marrëdhënieje strategjike, prej të cilës po ndërtohn në zonën e Spitallës 2 mijë apartamente dhe falë të cilës këtu në vendin tonë bëhet një investim që nuk është bërë ndonjëherë dhe nuk është imagjinuar ndonjëherë që e transfomron Durrësin në një nga pikat më të rëndëisshme në Mesdhe. Këtu as nuk u mitatuar gjë, duhet të jetë sepse kështu mendojmë ne që duhet të jetë, sepse nuk kemi kohë për të humbur, kemi më shumë se një vit që negociojmë, është një kontratë ku shteti shqiptar merr pjesë me aksione, ju jeni ca të mbaruar, të pafytyrë, njerëz që nuk keni fe, as din e as iman”, vijoi Rama.
Deputetët e opozitës: Turp, turp, turp…
Edi Rama: “Çoheni këtu dhe mirë ne, por akuzoni për aferë një nga kompanitë më të mëdha të botës, Jeni ca të pafytyrë, pa din e pa iman, këta jeni ju”
Deputetët e opozitës: Turp, turp, turp të kesh…
Edi Rama: “Mos bërtit ti gjel deti i Peqinit dakort se po të kishit ju fytyrë, ju nuk ia bënit Shqipërisë ato që i keni bërë.”
