Shefi i Komisariatit të Policisë Pukë, Pjerin Lazri është shkarkuar nga detyra pas transmetimit të një videoje në një emision televiziv, duke ofenduar dhe dhunuar një qytetar.
“Mbi rastin e transmetuar pak minuta më parë, në emisionin investigativ ‘Stop’, në të cilin shfaqet shefi i Komisariatit të Policisë Pukë, shtetasi P. L., duke shkelur Kodin e Etikës dhe të komunikimit, si dhe duke goditur një shtetas, sqarojmë opinionin publik se: Drejtori i Përgjithshëm i Policisë së Shtetit sapo është njohur me rastin, ka shkarkuar nga detyra dhe ka përjashtuar menjëherë, nga radhët e Policisë së Shtetit, shefin e Komisariatit të Policisë Pukë, për shkelje të rëndë të Kodit të Etikës dhe të komunikimit dhe për tejkalim të kompetencave, duke abuzuar rëndë me atributet që i jep ligji dhe detyra”, njoftoi policia.
