Kreu i Partisë Demokratike, Sali Berisha nuk ka zgjedhur të japë detaje kur është pyetur nga gazetarët për skenarin e protestës së 12 nëntorit.
Gjatë deklaratës për mediat, Berisha e përkufizoi protestën si një “mosbindje civile”, ndërsa nuk komentoi zërat që po qarkullojnë në media se ditën e protestës do të tentohet të futet brenda institucionit të Kryeministrisë.
Pyetje: Cili do të jetë skenari në protestën e Partisë Demokratike më 12 nëntor, a do të ketë dhunë dhe tentativë për të marrë drejtimin e Kryeministrisë?
Përgjigjet Sali Berisha: I qëndrojmë parimeve të reagimit brenda spektrit të mosbindjes civile. Se cili është skenari i protestës, do shpaloset gjatë protestës. Ne i qëndrojmë parimeve të protestave brenda spektrit të mosbindjes civile, që është e pranueshme në manualet e protestave demokratike.
