Kryeministri Edi Rama vazhdon “luftën” e ashpër kundër Top Channel.
Përmes një postimi në Twitter, kreu i qeverisë nxjerrë një dokument që nuk dihet se nga e ka origjinën, por që kryeministri Edi Rama pretendon se është kërkuar mbështetje financiare nga Agjencia për Zhvillim Bujqësor dhe Rural një fond prej 120 milionë lekësh të vjetra për të bërë një emision me 50 episode, në vëmendje të të cilit do të jenë zonat rurale dhe fermat.
Krahas dokumentit të nxjerrë në postimin e tij, kryeministri nuk e ka lënë pa një koment, duke u shprehur se ky është vetëm një shembull sesi, sipas tij po i bëhet shantazh qeverisë nga Top Channel. Qëllimi, sipas tij, ka qenë promovimi i AZHBR-së, por kur ky insitutcion nuk ka pranuar, ka filluar sulmi duke nxjerrë edhe shembullin e një kronikë të transmetuar në edicionin e lajmeve.
Postimi i plotë:
“Ja për shembull se si funksionon shantazhi mediatik. Kërkohen 120mln lek nga AZHBR për t’u treguar shqiparëve kudo ndodhen sa mirë po ecën Shqipëria rurale. AZHBR s’e plotëson dot kërkesën e shpjeguar në shumë faqe se si e qysh tërë dynjaja do shohë shqip/anglisht suksesin e saj! Atëherë pllaka kthehet përmbys dhe dynjasë i jepet një emision i tërë me gllabërim parash të bujqësisë, një fabrikim nga fillimi në fund me gjysëm të vërteta që janë edhe gënjeshtrat më të mëdha, e ngjashme si dy pika uji me një fabrikim nga i njëjti kanal për Rilindjen Urbane”,-shkruan Rama.
Ja për shembull se si funksionon shantazhi mediatik.Kërkohen 120mln lek nga AZHBR për t’u treguar shqiparëve kudo ndodhen sa mirë po ecën Shqipëria rurale. AZHBR s’e plotëson dot kërkesën e shpjeguar në shumë faqe se si e qysh tërë dynjaja do shohë shqip/anglisht suksesin e saj! pic.twitter.com/SEQo8Hpc6E
— Edi Rama (@ediramaal) November 2, 2022
