Një masiv i gështenjave në Tropojë vijon të jetën nën pushtimin e flakëve që prej ditës së djeshme. Zjarri ka përfshirë masivin e gështenjave të fshatrave Gri dhe Geghysen të Tropojës dhe po rrezikon edhe banesa.
Deputeti i Partisë Demokratike Isuf Çelaj, në një postim në Facebook, shkruan se askush nga instancat shtetërore lokale apo qëndrore nuk reagon.
Postimi i deputetit:
Vazhdon edhe tani në këto momente zjarri në masivin e gështënjave në fshtarat Gri e Gegëhysen të Tropojës!
Me gjithë angazhimet e pandërprera të banorëve të zonës është e pamundur që të ndalojnë flakët që kanë përfshirë këtë masiv!
Ky zjarr po ju kërcënon shtëpitë dhe pronat e tyre, dëmi i shkaktuar prej zjarrit është i pa llogaritshëm edhe ndaj mjedisit natyror !
Gështenja ëshjtë pemë e bekuar prej Zotit dhe u ka sherbyer dhe u shërben këtyre banorëve për tu ushqyer si një pasuri e çmuar në shekuj!
Thirja për institucionet shtetërore që të marrin masa urgjente e tju shkojnë në ndihëmë këtyre banorëve të lënë në harresë nga shteti i tyre!
Është obligim ligjor mbrojtja e pasurisë natyrore banesave të këtyre banorëve!
