Policia e Prishtinës, e mbështetur nga njësiti i Antidrogës, pas hetimeve disa mujore mbi dosjen e koduar si “Bardhoshi-2”, ndaloi të shtunën, rreth orës 16:30, në autostradën Prishtinë-Prizren, pranë fshatit Reshtan, një makinë Mercedes me ngjyrë e zezë, që e drejtonte K. P, ndërsa pasagjer ishte D. K
Pas kontrollit të automjetit, u gjëtën 30 gr kokainë, 768 gr marihuanë, dy telefona celularë, një mulli për bluarjen e marihuanaës dhe para.
Një kontroll tjetër u krye në banesat e të dyshuarëve në rrugët “Muharrem Fejza”, “Ahmet Gashi” dhe “Muhamet Çame”në Prishtinë, ku u gjëtën gjithashtu.
Në shtëpinë e pasagjerit D. K, 1525 gr marihuanë, një armë zjarri me gaz, një peshore digjitale dhe 160 euro falso.
Në shtëpinë e shoferit K.P janë gjetur 688 gr marihuanë, një tabletë narkotike Extasy, dy peshore digjitale, një armë e gjatë AK 47 me dy karrikatorë dhe 38 fishekë, një pushkë me 5 fishekë dhe 11 fishekë tjerë, etj.
I dyshuari i tretë ishte E.H dhe në banesën e tij në rrugën ”Muhamet Qame” u sekuestruan 711 gr marihuanë, një peshore digjitale dhe një telefon celular.
