Është zbardhur dinamika e konfliktit që ndodhi mbrëmjen e kaluar në lagjen “Skënderbeg” në Shkodër
Mësohet se, Kristian Fermosi pas një konflikti të çastit me dy vëllezërit David dhe Ardian Kiri ka qëlluar me armë zjarri pistoletë drejt tyre dhe është larguar.
Fatmirësisht nga të shtënat nuk pati të lënduar.
Blutë bënë me dije se Shërbimet e Policisë dhe një grup i FNSH-së po kontrollojnë zonën me qëllim lokalizimin dhe kapjen e autorit.
Njoftimi i djeshëm i policisë:
Shkodër/Informacion paraprak
Në lagjen “Skënderbeg”, Shkodër, dyshohet se pas një konflikti të çastit mes shtetasit K.F dhe vëllezërve D. K e A. K, shtetasi K.F dyshohet se ka qëlluar me armë zjarri pistoletë dhe është larguar. Nuk ka persona të lënduar.
Shërbimet e Policisë dhe një grup i FNSH-së Shkodër po kontrollojnë zonën me qëllim lokalizimin dhe kapjen e autorit.
Grupi hetimor nën drejtimin e Prokurorisë po vijon veprimet për sqarimin e rrethanave dhe dokumentimin ligjor të ngjarjes.
