Policia e kryeqytetit ka arrestuar këtë të Martë 5 persona pasi janë kapur duke shpërndarë lëndë narkotike me doza.
Blutë bëjnë me dije se janë proceduar penalisht edhe 2 shtetas të tjerë, për moskallëzim krimi.
Si rezultat i operacioni policia bën me dije se në pranga kanë rënë këta shtetas:
– Santiago Karaj, 19 vjeç, dhe Markeliano Leka., 25 vjeç, të dy banues në Tiranë. Gjatë kontrollit fizik ndaj këtyre shtetasve, në rrugën “Papa Gjon Pali II”, shërbimet e Policisë sekuestruan, në cilësinë e provës materiale, sasi lënde të dyshuara narkotike cannabis sativa.
– Noel Stafa, 24 vjeç, banues në Tiranë, si dhe nisi procedimi penal për shtetasin Xh. Sh., 22 vjeç, banues në Tiranë, pasi gjatë kontrollit fizik, shërbimet e Policisë iu kanë gjetur dhe sekuestruar, në cilësinë e provës materiale, sasi lënde të dyshuara narkotike të llojit cannabis sativa;
– Kristi Laska., 25 vjeç, banues në Tiranë, pasi gjatë kontrollit fizik, shërbimet e Policisë i gjetën dhe sekuestruan një sasi lënde të dyshuar narkotike kokainë. Në vijim të veprimeve për këtë rast, nisi procedimi penal edhe për shtetasit S. S., 22 vjeç dhe M. K., 22 vjeç, pas kanë patur dijeni për krimin, por nuk kanë kallëzuar;
– Lirim Hoxha., 32 vjeç, banues në Tiranë, pasi gjatë kontrollit fizik, shërbimet e Policisë i gjetën dhe sekuestruan një sasi lënde të dyshuar narkotike kokainë.
Materialet i kaluan Prokurorisë, për veprime të mëtejshme procedurale.
