Në ceremoninë e “Topit të Artë” u ndanë sonte çmimet për sezonin futbollistik 2021/2022. Fituesi më i madh ishte padyshim, Karim Benzema i cili fitoi trofeun prestigjioz për herë të parë në karrierën e tij falë paraqitjeve fantastike për Real Madrid dhe Francën.
Francezi e mbylli sezonin me 48 gola dhe 15 asiste duke rezultuar vendimtar për “Los Blancos” në suksesin e 14 në Champions League dhe në fitoren e La Ligas, ndërkohë që me përfaqësuesen franceze fitoi Ligën e Kombeve.
Para se Benzema të fitonte “Topin e Atë”, u shpërndanë çmimet e tjera. Lojtari i Barcelonës, Gabi është futbollisti i ri më i mirë. Mesfushori katalanas fitoi këtë çmim “Kopa”, pasi mposhti Bellingham, Camavinga, Mendes dhe Musiala.
Alecia Putellas u zgjodh futbollistja më e mirë në botë, pasi fitoi çmimim “Topi i Artë” 2022. Pas dorëzimit të trofeut, lojtarja e Barcelonës u shpreh e lumtur.“Jam shumë e lumtur që marr këtë trofe. Më vjen keq që shoqet e mia nuk ndodhen këtu, pasi më kanë ndihmuar shumë. Falënderoj trajnerin tim, Presidentin dhe klubin. Është një privilegj që jam pjesë e Barcelonës”-tha ajo.
Në këtë natë të madhe nuk mungoi as Robert Lewandowski, që ia del gjithsesi të marrë një çmim në shtëpi. Bëhet fjalë për golashënuesin më të mirë, me polakun që për hir të së vërtetës është një nga më të mirët në botë në zonën e rreptësisë. 57 golat në edicionin e kaluar flasin vetë.
I pakalueshëm mes shtyllave dhe gjithmonë vendimtar për Real Madridin. Kur ai është në portë, i vendos “çelsin”. Thibo Cortouis u vlerësua si portieri i mirë, falë përformancave të tij që gjithmonë kanë qenë mbi mesataren.
Skuadra më e mirë është vlerësuar Manchester City. “Qytetarët” janë konkurrues në çdo kompeticion, lojtarët janë mjaft cilësor dhe kanë një trajner si Pep Guardiola.
Çmimet e mbrëmjes:
Topi i artë për meshkuj, Karim Benzema
Yashin Trophy (çmimi i portierëve): Thibo Cortouis
Klubi i vitit: Manchester City
Golashënuesi më i mirë: Robert Lewandowski
Lojtari më i mirë nën 21 vjeç në 2021/22: Gabi
Topi i Artë për femra: Alecia Putellas
