Një shtetas shqiptar, identiteti i të cilit nuk dihet ende, është arrestuar nga policia franceze pasi ka plagosur me thikë vjehrrin e tij, gjatë një sherri të dhunshëm familjar.
Viktima edhe ai shqiptar është trajtuar nga mjekët në gjendje të rëndë.
Që nga 25 shtatori 2022, shqiptari ishte shpallur në kërkim, pasi kishte goditur me thikë vjehrrin e tij, në Saint-Brieuc (Côtes-d’Armor). Ai u arrestua në Belgjikë të premten më 30 shtator dhe u ekstradua në Francë, ku u akuzua për tentativë vrasje dhe u burgos.
Të hënën, më 10 tetor, ai u transferua në Côtes-d’Armor, ku u njoftua për aktakuzën e tij për tentativë vrasje, dhe dhunë ndaj bashkëshortes dhe kërcënime me vdekje ndaj saj. Atij i është caktuar masa e paraburgimit.
