Një grup të rinjsh grekë dhe shqiptarë kanë plagosur rëndë me leva një student egjiptian dhe babanë e tij, pas një sherri në një nga lagjet e Athinës.
Sipas Protothema, grupi studentëve i përbërë nga shqiptarë dhe grekë janë të dhunshëm dhe pozojnë në rrjetet sociale duke u shfaqur me armë, drogë.
Tashmë ata akuzohen se i kanë thyer dhëmbët 17-vjeçarit egjiptian me levë dhe babait të tij 46-vjeçar, në ngjarjen që ka ndodhur më 1 tetor në rrugën kryesore të Kaminias.
I mituri në dëshminë e tij për hetuesit ka deklaruar se nga rrahja që ka marrë ka lëndime në kokë, fytyrë, nofull, dy dhëmbë të thyer dhe ka të mavijosur kofshën e majtë nga goditja me shufra hekuri.
Në dosjen e zbardhur nga media greke rezulton se në orën 20:30 të datës 1 tetor, efektivët e policisë së ekipit të DI.AS, pas sinjalizimit të Qendrës së Veprimit të Menjëhershëm, kanë shkuar në Agios Eleftheriou, në rrugën drejt Pireut për të ndalur një sherr mes një grupi personash.
Pak pasi policët kanë shkuar në vendngjarje kanë gjetur disa persona rreth të 50-tave, të cilët janë larguar me vrap në drejtime të ndryshme.
Policia arriti të arrestojë një 18-vjeçar, një 19-vjeçar dhe një 20-vjeçar shqiptar, e gjithashtu një egjiptian 46-vjeçar dhe të birin e tij 17-vjeç.
46-vjeçari nga Egjipti u shoqërua nga efektivët e policisë në spitalin Janeio të Pireut ku iu dha ndihma e parë dhe më pas u largua. Atij i është dhënë edhe një notë zyrtare për ekzaminim nga Shërbimi Ligjor i Pireut.
Vlen të theksohet se të gjithë të paditurit kanë ngritur padi kundër paditësve-viktimave për shkelje të neneve për dëmtim të rrezikshëm trupor me bashkëfajësi dhe për armë.
Në të njëjtën kohë, 20-vjeçari nga Shqipëria ka treguar se 46-vjeçari egjiptian në momentin e përleshjes i ka marrë një çantë, e cila mbante dy celularë dhe më pas ua dorëzoi bashkëpunëtorëve të tij të panjohur që u arratisën.
