Kryeministri Edi Rama është pyetur nga gazetarët nëse “distancimi” i Partisë Socialist nga ish-zëvendëskryeministri Arben Ahmetaj po paralajmëron një hetim ndaj tij për çështjen e inceneratorëve apo një “non grata.”
Pas përfundimit të mbledhjes së qeverisë ditën e sotme, Rama ka mohuar zërat e një hetimi të mundshëm të SPAK ndaj Ahmetajt, teksa shtoi se partia ka të drejtë të bëjë riorganizime sidomos kur ndodhen përballë një beteje të re.
Pyetje: Përse u shkarkua Ahmetaj, a po bëhet gati për ndonjë hetim të mundshëm nga SPAK për cështjen e inceneratorëve?
“Këto janë ato përrallat që thashë edhe dje, jeni në të drejtën tuaj për të treguar përralla popullit, duke kërkuar pas cdo vendimi qëllime që nuk ekzistojnë. Kjo nuk do të ndodhte 10 vite me parë, por sot ndodh në emër të lirisë së media ju jepet e drejta për të spekuluar në dem te personave deri në ekstrem për ta kurdisur popullin me përralla , shpifje që vijnë rëndom nga qëllimi, apo qëllimi për të bërë lajm. Është e drejta juaj. Zoti i paftë të gjithë. E vërteta e ka të vështirë të çaj në këtë botë. Si organizohet një skuadër është e drejta e saj nuk duhet ta dinë tifozët, pse duhet të ketë bërë diçka për të ndryshuar pozicion?! Kjo është betejë e re. Ne do të shikojmë sipas nevojës”, u përgjigj Rama.
