Një 42-vjeçar shqiptar së bashku me një 22-vjeçar bullgar është arrestuar në Greqi për grabitje të bankave dhe degëve të lojërave të fatit.
Sipas mediave greke, shqiptari mësohet se është autori i 11 grabitjeve në banka dhe degë lojërash fati në zona të ndryshme të Atikës.
I arrestuari ka hyrë me kapuç dhe maskë në ambientet e mësipërme dhe i ka grabitur me armë.
Deri më tani është konstatuar pjesëmarrja e 22-vjeçarit, me origjinë bullgare, në një grabitje banke, ndërsa po hetohet edhe përfshirja e tij në të tjera.
