Kryetari i Partisë Demokratike, Sali Berisha ndodhet sot në një takim me banorët e Pukës me të cilët ka diskutuar problematikat e përditshme që shqetësojnë qytetarët shqiptarë.
Një e moshuar gjatë fjalës së saj, hodhi akuza ndaj qeverisë për të cilën tha se është e zhytur në korrupsion. Më tej gruaja nga Puka ashpërsoi gjuhën ndaj kryeministrit Edi Rama për të cilin tha se është e gatshme që “t’ia fusë plumbin ballit”, ndërsa Berisha i kujton të moshuarës se “PD-ja ka votën si ‘plumb’“.
Zeria Dizdari: Në Pukë nuk ke asnjë, me dalë dikush me bërtit, me vra dikën. Unë jam 82 vjeçe, me ba me më dal përpara, i bi në plumb ballit Edi Ramës. Ai ka siguruar nipa e mbesa e stërmbesa duke vjedhur shqiptarët. Del e thotë që shqiptarët janë të mbrojtur. Jo kur të marrë pushtetin zoti Berisha, por më para, më autorizo mua, pa i ra në plumb ballit s’e lë. Sa kam me jetu unë, po shkoj e po e zhduk qenin.
I përgjigjet Sali Berisha: Votën kemi “plumb” ne…
