Kreu i Partisë Demokratike, Sali Berisha ka paralajmëruar se ditët në vijim do të organizohet një protestë e fuqishme popullore.
Por i pyetur për vonesën e një date të caktuar për protestat që u paralajmëruan se do te mbaheshin në shtator, Berisha tha se “nëse ritmi nuk është në nivelin e duhur objektivi është i pa ndryshëm”. Gjatë mbledhjes së përjavshme me gazetarët, Berisha theksoi se PD po punon për zgjerimin e frontit opozitar kundër qeverisë, ndërsa shtoi se Edi Rama do të përballet me një revoltë të madhe popullore.
“Protesta do të vijë dhe më e fuqishme që ka njohur Shqipëria. Të harrojë kush se unë shkelmoj mbi fjalët e mia dhe vullnetin e shqiptarëve. Po punohet për zgjerimin e frontit opozitar por ndonjëherë gjithçka merr kohë më shumë se sa e ke parashikuar. Rama do përballet me revoltë të fuqishme popullore, Rama është rrezik i madh kombëtar, rreziku më i madh i Shqipërisë është Edi Rama”, u shpreh Berisha.
Gjatë fjalës, ish-kryeministri Sali Berisha ka akuzuar Edi Ramë si “kujdestar i interesave ruse ne rajon” me deklaratat e tij ne samite nderkombetare kur thote se BE nuk duhet t’i kerkoje Serbise qe te zbatoje sanksionet ndaj Moskes.
“Rama sillet haptas si agjent influent i Kremlinit. Cfarë është kjo që del ky në cdo samit e thotë mos i kërkoni Serbisë të respektojë sanksionet ruse, në një kohë kur vetëm jahti ka 18 fluturime me Moskën në javë? Serbia shërben si një prapavijë e fuqishme. Si mundet një qeveritar anëtar i NATO të mbrojë aksin Moskë – Beograd? E mbron se është i detyruar, se kujt s’mund t’ja shesë këtë. Ky është avokat i interesave ruse në rajon duke mbrojtur qëndrimin e Vucic. Kush tjetër e mbron interesin e Vucic përvec Ramës? Ky thotë më mirë është për BE dhe NATO të mos i zbatojë se sa t’i zbatojë. Ky flet kur lexon ato që ia bien me mesazhe që do thuash këtë se ndryshe nuk ndodh kjo, nuk e con njeriu veten në deklarata absurde dhe ky është i detyruar ta përsërisë në cdo takim. Nëse ka një kujdestar të interesave ruse në rajon është Vucic dhe Rama”, oërfundoi Berisha.
