Një aksident i rëndë ka ndodhur në fshatin Sovjan të Korçës ku një makinë është përplasur me furgonin.
Për pasojë janë plagosur tre persona, mes tyre edhe një fëmijë të cilët janë dërguar në Spitalin Rajonal të Korçës, fatmirësisht janë jashtë rrezikut.
“Më datë 15.09.2022, rreth orës 13:35, në aksin rrugor Korçë-Pogradec, pranë fshatit Sovjan, Maliq, janë përfshirë në një aksident rrugor mjeti tip furgon “Sprinter”, me drejtues shtetasin B. H., me mjetin tip “Volksëagen”, me targa greke, me drejtues shtetasin A. M.
Për pasojë janë dëmtuar 3 pasagjerët e mjetit tip “Volksëagen”, shtetasit Gj. M., rreth 20 vjeç; A. M. rreth 14 vjeç dhe shtetasja M. M., rreth 48 vjeçe, të cilët u dërguan në Spitalin e Korçës, aktualisht jashtë rrezikut për jetën”, thuhet në njoftimin e policisë.
Grupi hetimor po kryhen veprimet procedurale dhe po punon për zbardhjen e rrethanave dhe përcaktimin e shkaqeve të aksidentit.
