Sistemi TIMS në aeroportin e Rinasit është rikthyer në funksion të plotë një ditë pas bllokimit si pasojë e një sulmi kiberneti që goditi vendin tonë një ditë më parë.
Pas më shumë se 24 orë nga sulmi për të cilin autoritetet qeveritare kanë bërë përgjegjëse Iranin, sistemi TIMS në aeroportin ndërkombëtar ‘Nënë Tereza’ është rikthyer në normalitet. Autoritetet bëjnë me dije se sistemi është në funksion dhe tashmë regjistrimi i hyrjeve dhe daljeve në Rinas do të bëhet përmes tij.
Vlen të kujtojmë që mëngjesin e sotëm sistemi TIMS është rikthyer edhe në pikën doganore të Kapshticës kurse në Qafë-Thanë vijon të jetë i bllokuar. Sistemi TIMS nuk funksionon as në Pikën e Kalimit Kufitar të Qafë Botës dhe as në Portin Detar në Sarandë. Policia Kufitare ka përdorur regjistrat e dorës për të bërë hyrje-daljet duke shkaktuar në këtë mënyrë vonesa dhe radhë të gjata.
