Kanë mbërritur në Gjykatën e Vlorës tre skafistët vlonjatë të arrestuar në kuadër të operacionit “Syri”, zhvilluar nga Policia e Shtetit dhe Guardia Di Finanza.
Kështu, kanë arritur që të njihen me masën e sigurisë shtetasit Arber Saraseli 31 vjeç, Saverjo Imeraj 21 vjeç dhe Qemal Pekmezi 19 vjeç, të cilët u kapën me 991 kg lëndë narkotike marijuana, 13 milje larg Vlorës.
Si rrjedhojë e operacionit janë arrestuar nga Guardia Di Finanza dhe dy shtetas ukrainas si dhe është shpallur në kërkim Gregor Likaj.
Për operacionin u angazhuan rreth 250 forca policie, duke u vënë në ndjekje të trafikantëve si nga ajri ashtu edhe nga deti e toka.
Hetimet zbuluan se droga ishte ngarkuar në grykëderdhjen e Vjosës e ndarë në tre skafe, GPS e të cilëve u fikën për të mos u gjurmuar.
