Një makinë ka marrë flakë sot në mëngjes në autostradën Tiranë – Durrës.
Si pasojë e zjarrit, ka vetëm dëme materiale e fatmirësisht jo në njerëz.
Njoftimi i policisë:
Me datë 19.07.2022, në autostradën Tiranë-Durrës, ka marrë flakë në lëvizje e sipër dhe është djegur plotësisht, mjeti me drejtues shtetasin J. S.
Si pasojë e zjarrit ka vetëm dëme materiale. Paraprakisht dyshohet se zjarri ka rënë si pasojë e një defekti në mjet.
Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit.
