Nësë ish-ministrti i Arsimit, Myqerem Tafaj dënohet, atëherë vendin e tij në parlamentin shqiptar e zë Visar Zhiti. Sipas ligjit, mandati i takon personit që në listën shumëemërore të PD-së renditet pas deputetit që lë mandatin, e në këtë rast ai është pikërisht Zhiti, i ngarkuar me punë në ambasadën e Vatikanit. Një vendim të tillë do ta marrë Gjykata e Lartë e cila ka marrë nga prokuroria kërkesën për dënimin e Tafaj me 1 vit burg.
Mandati i kalon numrit 13 në listë në i cili renditet emri i shkrimtarit të njohur ish i burgosur politik i diktaturës komuniste Visar Zhiti, i cili ka mbajtur postin e ministrit të Kulturës në muajt e fundit të qeverisë “Berisha”.
Kush është Visar Zhiti
Visar Zhiti u zgjodh ministër Kulture në prill të vitit 2013, pas daljes së LSI-së nga koalicioni qeverisës.Zhiti u kthye në qendër të vëmendjes kur rreth një vit më parë qeveri “Rama” e propozoi si ambasador në Vatikan, gjë që u mbështet edhe nga demokratët ne Komisionin e Jashtëm të Parlamentit.
Ai që kundërshtoi ishte Presidenti Nishani, pavarësisht apeleve për ta dekretuar Zhitin që i erdhën edhe nga emra të njohur të PD-së, ai nuk e bëri një gjë të tillë.Aktualisht, Visar Zhiti është i ngarkuar me punë në Ambasadën Shqiptare në Vatikan. Mbetet për tu parë nëse Zhiti do ta pranojë mandatin e deputetit, apo do të vazhdojë të ushtrojë detyrën në ambasadën në Vatikan.
