Dhjetëra mijëra njerëz që mbanin në duar flamurin kombëtar u mblodhën jashtë zyrave qeveritare në Shkup të zemëruar për propozimin francez që synon zgjidhjen e mosmarrëveshjes së Maqedonisë së Veriut me Bullgarinë.
Demonstruesit i bëjnë thirrje qeverisë të japë dorëheqjen për shkak të përplasjes me Sofjen. Argumenti kryesor është bllokimi i bisedimeve të anëtarësimit të vendit me Bashkimin Evropian.
“Çdokush në botë ka të drejtën e vetëvendosjes, kështu që edhe populli maqedonas ka të drejtën e vetëvendosjes dhe të vendosë për identitetin e tij”, u shpreh para protestuesve Natasa Kotlar, profesoreshë në Institutin e Historisë Kombëtare
Prej 17 vitesh Maqedonia e Veriut është kandidate për anëtarësim në BE. Por Bullgaria përdor fuqinë e saj si anëtare e BE-së për ta bllokuar atë.
Mosmarrëveshja po pengon gjithashtu edhe Shqipërinë pasi blloku i trajton të dy vendet si një paketë. Protesta përfundoi paqësisht por një tjetër protestë është parashikuar në ditët në vijim.
