Një aksident i rëndë është regjistruar mbrëmjen e kaluar në Durrësm në rrugën “Vala e Detit”, ku, si pasojë e mungesës së ndriçimit dhe sinjalistikës rrugore, një motor me dy persona ka përfunduar në kanalin kryesor të ujërave të zeza.
Mësohet se dy personat kanë mbetur të plagosur, ndërsa njëri prej tyre është transportuar me urgjencë në spital dhe ndodhet në gjendje kritike.
Sipas banorëve që jetojnë pranë rrugëve “Vala e Detit” dhe “Azem Hajdari”, në këtë zonë mungon ndriçimi publik dhe sinjalistika, ka puseta të hapura dhe trotuare të dëmtuara, duke e bërë lëvizjen tepër të rrezikshme.
Sipas tyre, aksidente të tilla janë të shpeshta, pasi gjatë gjithë ditës dhe natës në këtë segment qarkullojnë shumë automjete dhe motoçikleta, të cilat shpesh përfundojnë në kanalin anësor për shkak të kushteve të këqija të rrugës.
