Ish-numri dy i Bashkisë së Tiranës, Arbjan Mazniku, i njohur edhe si mik i afërt me Veliajn, pas arrestimit të këtij të fundit, ka filluar ti serviloset Edi Ramës.
Në një foto të mbërritur në redaksinë e Boldnews.al, shihet se Mazniku ka filluar të organizojë fushata online në mbështetje të Edi Ramës. Në pamjen që po qarkullon, shihet se si Mazniku, u kërkon personave të ndryshëm të hapin profile fiktive në rrjetet sociale, me qëllim komentimin, shpërndarjen dhe pëlqimin e postimeve të kreut të qeverisë.
Në mesazhin e publikuar, kërkohet hapja e dy llogarive në Instagram, dy në TikTok dhe dy faqeve në Facebook, të gjitha me emra fiktivë, për t’u angazhuar në mbështetje të aktivitetit online të Ramës. Gjithashtu, në mesazh kërkohet që komentuesit të organizohen në një grup të veçantë për të koordinuar komentet dhe ndërveprimet në rrjetet sociale.
Ndërkohë kjo lëpirje e tij ndaj Ramës, vjen pas tradhëtisë së bërë ndaj Erion Veliajt. Kujtojmë se pas arrestimit të Veliajt nën dyshimet për korrupsion dhe pastrim parash, Mazniku u promovua si ministër në qeverinë e Edi Ramës, drejtues politik i Partisë Socialiste në qarkun e Elbasanit dhe deputet i sigurt në Parlament.
Dyshja Veliaj-Mazniku konsiderohej si një simbiozë që ka funksionuar në mënyrë perfekte për më shumë se 25 vjet, por këto fate kaq të ndryshme mes tyre, kanë forcuar bindjen se, pas “kurthit” ndaj Veliajt, kanë qëndruar disa personazhe me peshë politike, mes të cilëve, me një rol kryesor, edhe Mazniku.
