Grupi politik Partia Demokratike Evropiane ka reaguar sërish në lidhje me protestat masive të shqiptarëve ku kërkohet dorëheqja e Ramës dhe kastës së vjetër politike.
Në një postim në rrjete sociale, PDE shkruan se mesazhet dhe thirrjet e protestuesve nuk duhet të injorohen nga partitë poltike.
Sipas tyre, Shqipëria meriton një rinovim demokratik, jo një tjetër marrëveshje të mbyllur mes elitave të lodhura.
“Natën e kaluar në Tiranë, dita e 25-t e protestës dërgoi një mesazh që asnjë parti nuk mund ta injorojë. Sloganet u drejtuan kundër Edi Ramës dhe qeverisë së tij, por edhe ndaj një opozite që shumë qytetarë nuk e shohin më si alternativë.
Kjo është më e madhe se një lider i vetëm. Është një refuzim i një kuadri politik që nuk ka arritur të sjellë mirëqenie, transparencë dhe besim. Shqipëria meriton një rinovim demokratik, jo një tjetër marrëveshje të mbyllur mes elitave të lodhura. Rrugët po kërkojnë që të kalohet përpara.”, thuhet në reagim.
